Lillefosse stetta EM-kravet
Det er likevel lite truleg at strandbermingen får delta i Polen i mars.
7.58,01. Det var tida det tok Bjørnar Sandnes Lillefosse, som representerer Gular idrettslag, å springa 3.000 meter i EM Challenge i Leikvanghallen utanfor Bergen tysdag kveld. Tida skal vera den 11. beste innandørs i Noreg nokosinne.
Saman med Marius Vedvik, som fullførte 40 hundredelar seinare, stetta han dermed tidskravet for å få delta i europameisterskapen. Kravet er åtte minutt blank.
Lillefosse, som slo sin personlege rekord på distansen både utandørs og innandørs, kan likevel ikkje rekna med å sjå namnet si på lista over EM-utøvarar som vert offentleggjord torsdag. Årsaka er at dei tre velkjende Ingebrigtsen-brørne saman med Narve Gilje Nordås allereie har stetta EM-kravet. I utgangspunktet får berre tre frå Noreg konkurrera, og tida til Lillefosse er truleg ikkje god nok, ifølgje kondis.no.
Nettstaden opplyser at Lillefosse prøvde å stetta EM-kravet i den same hallen for ein månad sidan, men mislukkast den gongen så vidt det var.
Tida skal vera den 11. beste innandørs i Noreg nokosinne. Den same posisjonen har han på rangeringa over tider på 10.000 meter utandørs.
