Oline Gjerdevik, Vimalin Sørstrømmen og Nantawat Duangkaew tevla på Slåtthaug i Bergen laurdag.

Kvemmingar gjekk på skeiser i Bergen

Håkon Norheim
Journalist
Publisert Sist oppdatert

Tre løparar frå Hardanger Skøyteklubb deltok i eit stemne på Slåtthaug Kunstisbane i Bergen laurdag. Det opplyser klubbleiar Brynjulf Måkestad i ein e-post til HF.

Oline Gjerdevik (10) sette nye personlege rekordar på 100 meter og 500 meter med høvesvis 16.58 og 1.24.78. Vimalin Sørstrømmen (11) gjekk dei to distansane på høvesvis 16.60 og 1.13.04. Nantawat Duangkaew i junior B sette nye personlege rekordar med 47.14 på 500 meter og 6.06.86 på 3.000 meter.

Det var opphaldsvêr og litt vind under stemnet. Arrangør var Skuteviken Skøite Club.

skøyter hardanger skøyteklubb bergen sport
Laga med Labrador CMS