Kos og diskos i Strandebarm
Ein ny banerekord dukka opp på friidrettsstemnet i Strandebarm Idrettspark onsdag kveld.
Denne stod Anders Vik for då han då han kasta diskosen 56,14 meter i klassen for 18- og 19-åringar. Det skal vera det nest beste kastet i klassen i år. Utøvaren bur i Knarvik, men har besteforeldre i Strandebarm, opplyser idrettslaget i ei pressemelding.
Størst var deltakinga i dei yngste klassane. Mellom andre deltok tre utøvarar frå Kvam Langrenn- og Skiskyttarklubb i fleire øvingar.
3 sprang 3.000 meter. Erlend Drivenes, som var snøggast i Strandadalsløpet laurdag, vann med tida 9.57,91 minutt, med Ådne Kjosås med tida 11.19,46 på 2.-plass. Sistnemnde representerer Norna-Salhus.
Tiliah Kvitastein Wilhelmsen var einsam om å springa 600 meter. Det gjorde ho på 2.34,87, som ifylgje idrettslaget er ei solid tid når ein spring åleine. Under friidrettsfestivalen i sommar sprang ho berre halvtanna sekund raskare, då med ei rekkje konkurrentar.
Ifylgje arrangøren kosa mange på tribunen seg med å sjå på utøvarane i det fine vêret. Både deltakarar og publikum får ein ny sjanse til å konkurrera 21. september.
