– Klart til bruk

Den nye leikeparken ved kulturhuset og ballbingen i Herand er klare til bruk. Det opplyser Kaia Gulbrandsen på vegner av Herand Bygdelag, som saman med idrettslaget i grenda står bak initiativet til anlegget. Arbeidet starta i oktober.

Gulbrandsen opplyser at det står ein del arbeid att. Treningsapparata er ikkje på plass enno. Vona er å skipa til ei opning til våren, kanskje i samband med løpet Herand Rundt. Det vert normalt avvikla 2. pinsedag.