Klart for opning av skisenter

Snøfallet i romjula og seinare snøkanondrift gjer det mogeleg å opna to av heisane — Veraheisen og Tobiasheisen. Berre dei med sesongkort får koma, melder skisenteret i ei pressemelding.

Senteret utelukkar ikkje at også Setertrekket og Seterløypen kan opnast sundag, men det føreset at det kjem meir naturleg snø før den tid.

Furedalen Alpin opplyser på heimesida at senteret planlegg opning laurdag 16. januar, vel å merka dersom det kjem meir naturleg snø før den tid.

Vêrmeldingane tyder på at snøkanonane kan vera i drift nokre dagar til. Laurdag, sundag og måndag er det varsla snøfall på Kvamskogen.