Kåra griser i dalen

Den tradisjonelle julegristurneringa til Hardanger Bordtennisklubb vart skipa til i Steindalen onsdag og torsdag. Konseptet er at spelarane startar med ei form for handikap i form av pluss- eller minuspoeng. Målet er å sikra at dei står på like fot med einannan i tevlinga, ifylgje hbtk.no.

15 deltok. Mihai Samboteanu og Jan Frank Bøe vart kåra til årets julegriser. Fyrstnemnde vann klassen for born, ungdomar og vaksne etter å ha vunne over Liam Amir Jamal i finalen. Bøe vann klassen for føremiddagsgruppa, med Torgeir Flatebø på plassen bak.