Ingebrigt Ølmheim har 230 reisedøger i året, men maktar å halda forma ved like, melder kondis.no. Litt sliten og letta ser han likevel ut etter 54 kilometer. Foto: Hardanger åtgaum
Ingebrigt Ølmheim var den hardaste hardingen
Ingebrigt Ølmheim frå Øystese vann det 54 kilometer lange fjelløpet Fyksesundet rundt i dag.
Han kom i mål etter 7 timar og 5 minutt, og slo med det si eiga tid frå det fyrste løpet i rekkja med nesten ein time, melder arrangør Hardanger åtgaum. Kvemmingen vann etter ein heftig duell undervegs med Mats Mollandsøy. – Eg kjende det godt i beina. Då Ingebrigt sprang forbi, prøvde eg å henga meg på, men måtte gje tapt, seier Mollandsøy til kondis.no. Eivind Huse frå Øystese kom på 3. plass i herreklassen. Snøggaste kvinne i regnet og skodda var Camilla Ianke, som fullførte på 9.27.12 timar. Litt snøggare enn henne var beste lag: Kjetil Nyland og Lars Olav Børve. Dei kom i mål etter 9.18.41. 30 individuelle løparar og 10 lag var påmelde. Ikkje alle laga fullførte. Resultata finn du her.
Kjetil Nyland og Lars Olav Børve vart beste lag. Her er dei på veg mot målområdet ved nedlagde Fykse skule. Foto: Hardanger åtgaum
