– Har hatt ein fantastisk framgang
Nantawat Duangkaew i Hardanger Skøyteklubb gjekk løp i Båstad i tidlegare Trøgstad i Viken i helga.
Publisert
Han deltok for fyrste gong i landsmeisterskapen for gutar og jenter i klassane frå 12 til 16 år. Duangkaew konkurrerte i 14-årsklassen. Han har trena på rulleskøyter på rulleskøytebanen i Vikøy dei siste tre åra.
– Duangkaew har hatt ein fantastisk framgang og har forbetra seg på alle distansar unnateke 100 meter, opplyser klubbleiar Brynjulf Måkestad til HF.
Annonse
På 500 meter gjekk thailendaren på 49,81 sekund, berre 1 sekund frå den thailandske rekorden, ifylgje Måkestad.
Duangkaew deltok òg saman med Fana IL i ein lagkonkurranse. Om lag 150 deltakarar frå heile landet deltok i meisterskapen, ifylgje Måkestad.
