Håpar å få tak over hovudet

I ein søknad til Ullensvang idrettsråd om anleggsstønad opplyser leiar Gudmund Toreid at banen har vore eit sakn.

– I regn og dårleg vêr er det ingen stad ved banen ein kan vera under tak, eller der ein kan plassera sekker og anna når det er kamp eller trening på banen, skriv han i søknaden.

Planen er å reisa eit 12 meter langt og nokre få meter djupt overbygg fest til veggen på fleirbrukshallen, med andre ord på kortsida av kunstgraset. Kostnadsoverslaget tilseier ein pris på knapt 260.000 kroner. Vona er å få 200.000 kroner i kommunal anleggsstønad. Resten skal betalast med dugnad og eigenkapital.

Toreid tinga nyss førehandskonferanse for å drøfta tiltaket med kommunen.