– God start på Storemyr

Det kom mykje snø før rennet, så Svein Olav Espeland måtte preparera løypa fleire gonger, melder Jondal Idrettslag på heimesida.

– Skigruppa er veldig godt nøgd. Deltakartalet var på høgd med det beste frå fjoråret! opplyser idrettslaget.

Om lag halvparten av deltakarane var i klassane for dei til og med ti år, der stoppeklokka ikkje er i bruk. Dei flest andre var i aldersgruppa 11–14 år. Tre gjekk i trimklassen, der deltakarane sjølv vel kor langt dei vil gå. Dagens eldste deltakar var leiaren i idrettslaget, Gudmund Toreid.

Det andre lysløyperennet var planlagt fredag 26. januar, men vart utsett på grunn av at det kolliderte med eit anna arrangement, melder idrettslaget på heimesida.