Glimt frå Lerum Cup
J13-jentene frå Kvam kom seg til finalen i Lerum Cup, men der vart det tap.
Som HF skreiv tysdag 25. juni, deltok ei rekkje lag med mange titals spelarar frå Norheimsund og Øystese på den store fotballcupen i og kring Sogndal i helga.
Nokre av deltakarane var så små at laga ikkje vert rangerte eller resultata feira eller sørgde over. Andre er like små, men lèt på ingen måte utfallet av kampane passera i det stille. Og dei litt eldre må leva med både beinharde fakta, rangering og sluttspel der ballar kan trilla inn og tårer kan trilla ut.
Lengst av dei lokale heltane i år kom J13-jentene på samarbeidslaget Norheimsund/Øystese, som trass to tap i gruppespelet tok seg heilt til finalen i B-sluttspelet etter å ha slege Førde 4–0 i semifinalen. I finalen vart det 0–2-tap mot Arna-Bjørnar. Laget er trena av Ole D. Ones og Erlend Ellingsen.
Sjå fleire bilete her:
HF gjer merksam på at skribenten og fotografen var med til Lerum Cup som farskapsansvarleg for ei jente på J12-laget Øystese/Norheimsund. Red.
