Gjev pengar til jentelag

Det går fram av ei pressemelding frå banken om satsinga «Jenter vil meir», eit prosjekt som skal lyfta jentefotballen. Lag frå Vestland, Rogaland, Volda og Ålesund kan søkja.

Banken har gått saman med Sportsklubben Brann, Sogndal Fotballklubb og Arna-Bjørnar Fotball om tiltaket. Bakteppet er ei undersøking frå NHH som viser at trenarar og foreldre i ungdomsfotballen ofte undervurderer motivasjonen jenter har for å spela fotball.

Jentelag på Vestlandet har høve til å søkja om pengar til å skipa til treningsleir, trenarkurs og fotballdagar. Fleire jentelag i same idrettslag kan søkja kvar for seg. Banken trur at fleire enn ti lag vil få stønad. Ei nemnd med dei som styrer samfunnsmidlane til banken, skal avgjera kven som får stønad. Prosjektleiinga vil sjå etter lag med ein plan for korleis dei vil bruka pengane, korleis dei skal bidra til å lyfta laget og til å utjamna skilnader.

Fem ekstra heldige klubbar som søkjer om det, vil få ta del i ei fadderordning leia av Brann, Sogndal og Arna-Bjørnar, ifylgje banken.