Frisbeegolf i Ålvik?
Ålvik Idrettslag ynskjer å etablera ein frisbeegolfbane i industribygda.
– Potensialet for å få til dette i Ålvik ser eg på som stort, skriv prosjektleiar Eivind Ringheim Århus i ein e-post til Kvam herad.
Kort fortalt går sporten ut på å treffa med frisbeen – disken – oppi korger som er sette opp i god avstand til kvarandre.
Idrettslaget har kartlagt fleire område som kan høva til føremålet, og skriv i brevet at laget ynskjer å høyra kva Kvam herad tenkjer om prosjektet. Areala som er vurderte, ligg rundt idrettsplassen, nedom Kunstnarhuset Messen og ovanfor lagerbygget til Hovdane Maskin. Elkem ASA Bjølvefossen eig fleire av områda, skriv Århus.
Ifylgje han har areala tidlegare vore i bruk, men er no grodde igjen og vanskelege å koma til. Planen er å saga ned tre og krattskog, rydda, setja opp bosdunkar, etablera stiar mellom hol, reparera gamle stiar og setja opp korger.
Ingen av banane vil gjera permanente inngrep i naturen, skriv prosjektleiaren.
Ålvik Idrettslag vil finansiera prosjektet, og arbeidet vil verta gjort på dugnad.
Les også:
