Fotballjenter nær toppen
Øystese/Norheimsund J17 spela seg til sylvmedalje på ein fotballcup denne helga.
Sparebanken Vest Regy Cup, for jenter og gutar mellom 13 og 17 år, gjekk av stabelen i og rundt Haugesund 27.–29. september.
Samarbeidslaget spela i pulje saman med Austrheim IL, Haugar SK og Søreide Idrettslag. Laurdagen byrja med 4–1-siger mot Haugar SK, før jentene vann 3–0 mot Søreide Idrettslag nokre timar seinare. Med 2–0-siger over Austrheim IL på tampen av dagen var nok poeng sikra.
Artikkelen held fram under annonsen.
1.-plassen i puljen tok jentene vidare til sluttspelet. 1 mål mot Varhaug IL heldt til finaleplass. Der møtte jentene Lyngbø SK Frøya/Lyngbø, som vann kampen 1–0.
