Far og son hevda seg

Jan Roger Andersson frå Hardanger Bordtennisklubb kom på 9.-plass i verdsmeisterskapen for døve. Det melder klubben på si heimeside. Meisterskapen gjekk føre seg i Taipei førre helg. Andersson vann 3 av dei 4 kampane i puljespelet, men var uheldig i 8.-delsfinalen. Der møtte han spelaren som til slutt vann.

Også faren, Roger Andersson, har ifylgje klubben vore på medaljejakt. Under europameisterskapen for veteranar i Sandefjord tok kvemmingen to medaljar. Meisterskapen gjekk føre seg siste veka i juni. I herrar singel 50 vart det bronse, medan han vann miks 50 saman med makker Bente Ulstein frå Bergen. Mix 50 er ein uoffisiell meisterskapsklasse.