Får frisbeebane til fri bruk

Det går fram av ein avtale mellom partane om fire tomter som tilhøyrer heradet.

Kvam Frisbeegolf har ansvaret for all kostnad med å rydda området, etablera banen og vedlikehald. Klubben har òg ansvar for alle kostnader med å fjerna installasjonar og rydda grunnen når avtalen går ut.

Noko rydding av skog må påreknast, heiter det i avtalen. Større inngrep på eigedomen skal avklarast med Kvam herad, og ved behov skal det avtalast synfaring. Klubben er ansvarleg for jamleg tilsyn og vedlikehald av banen.

Banen ligg i eit populært turområde, og traseen må hindra ferdsle minst mogleg. Klubben må ta omsyn til turgåarar og andre brukarar, mellom andre barnehagar og Kvam hundepark.

Frisbeegolfbanen skal vera til fri bruk for ålmenta.