– Ein strålande start
Sju spreke kvemmingar var med på Kvalfoss-sprinten i Holmenkollen i helga som var.
Løpet vert rekna som eit av årets høgdepunkt, skriv Kvam Langrenn- og Skiskyttarklubb på heimesida. Ifylgje reiserapporten frå skiskyttarane var laurdag ein strålande dag på Austlandet, medan sundagen var prega av både vind og tåke. Det førte til litt utfordringar, men resultata var gode begge dagane, skriv klubben.
Laurdag kom Ronja Måkestad på 23.-plass i klasse J14. Synneva Laupsa Mo gjekk i klasse J13 og fekk 8.-plass. Perle Nygård var nummer 28 i same klassen. I J12 kom Sigrid Norheim på 10.-plass, Isabella Rose Burgess Opheim på 27.-plass og Maylinn Hellene Fonneland på 35.-plass. I G12 deltok Jørgen Måkestad, som kom på 17.-plass.
Sundag fekk Isabella Rose Burgess Opheim 13.-plass, Sigrid Norheim 19.-plass og Maylinn Hellene Fonneland 35.-plass i J12. Ronja Måkestad fekk 26.-plass i J14, og Synneva Laupsa Mo og Perle Nygård fekk 27.- og 33.-plass i J13. Jørgen Måkestad kom på 10.-plass i G12.
– Det er alltid spanande å prøva og gå mot litt andre utøvarar enn ein er van med, skriv klubben.
