– Ei von om tradisjon
Ti lag stilte opp då Rossvoll Volleyballklubb (VBK) inviterte til bedriftscup laurdag.
Det var tre lag fleire enn i vår. Med 6–14 personar på kvart lag vart det folksamt i Øystesehallen. Og det var ikkje berre bedrifter som var påmelde. Laget Tysdagane var ein gjeng som ikkje jobbar saman, men som samlast for å spela volleyball kvar tysdag for moro skuld.
Om det berre er moro, eller også blanda inn litt alvor, er uvisst, men treninga har uansett kome godt med. I finalen slo venelaget Tyst 26–24 i det som vart ein jamn kamp.
Andre lag som var med, var Rådhuset, Dalen 1 og 2, Strandebarm skule, Kvam ungdomsskule, H2 Hardanger AS, Framnes Kristne Vidaregåande Skule og eit blandingslag frå Ålvik skule og Kvam vidaregåande skule.
Vårens bedriftscup var den fyrste klubben har arrangert. Når det no vart gjenteke, er det med eit håp om å gjera cupen til tradisjon, seier Jon Erlend Haukås, styreleiar i Rossvoll.
Ikkje alt var på stell i fjor, vedgår han. I vår vart invitasjonane sende ut tidlegare, til dømes. Ein lærer litt nytt heile tida, seier Haukås.
