Deltok i cup på Laksevåg
Fleire av dei yngste medlemane i Hardanger Bordtennisklubb slo godt frå seg i Bergen i helga.
Den lokale bordtennisklubben stilte med seks spelarar då Laksevåg Bordtennisklubb arrangerte Mai Cup i Olsvikhallen laurdag.
Han som klatra lengst opp på listene, var Gustav Korshavn Vikesdal. Han sikra seg ein 3.-plass i klassen for 15 år gamle gutar og ein 5.-plass i klassen for 13 år gamle gutar, opplyser klubben på heimesida.
Lagkamerat Sandar Lyssand kom på 5.-plass i herrar F. Han spela også i gutar dobbel saman med Vikesdal. Dei enda på 3.-plass i klassen.
Liam Amir Jamal og Mohamad Basem Farah spela båe i den eldste nybyrjarklassen. Medan Jamal vann B-sluttspelet, vart Farah nummer 3. I klassen for 13 år gamle gutar kom Jamal på 9.-plass.
Shadh Mohammad Alghneem deltok i den yngste nybyrjarklassen, der han kom på 5.-plass. Murad Basem Farah vann B-sluttspelet i klassen.
