Deltok i bordtennis på Laksevåg

Hardanger Bordtennisklubb stilte med fire deltakarar i turneringa Laksevågkruset i Olsvikhallen i Bergen laurdag.

Sandar Lyssand og Jardar Fykse deltok begge i si 1. turnering i nybyrjarklassen. Begge gjekk vidare frå puljespelet. Lyssand vart til slutt nummer 5, medan Fykse vart nummer 9 i klassen.

Håvard Markhus starta sesongen på same vis som i fjor, med ein 2.-plass i klasse herrar D. Han vann mot fleire sterke spelarar, før det vart 2–3-tap mot Krizander Magnussen frå Stord i finalen.

Aller best gjekk det med Kestutis Barauskas. Han starta dagen med ein 3.-plass i herrar B. Seinare på dagen gjekk han til topps i herrar C.