Deler ut pengar i Kvam og Jondal

280.000 kroner frå koronafondet til Sparebanken Vest går til tre lag i Kvam og Jondal. Kvam Bowlingklubb, Jondal Idrettslag og Øystese Fotball får stønad, melder banken i ei pressemelding.

Banken opplyser at idrettslag på Vestlandet melder om store inntektstap som følgje av koronakrisa. Aktivitetstilbodet kan verta redusert, deltakaravgifter kan auka og trenarar kan slutta som følgje av tapa, meiner banken.

– Me håpar fondet kan bidra til å løysa nokre av utfordringane laga har, seier avdelingsbanksjef May Turid Tømmervik i pressemeldinga.

Tildelingsrunden er den fyrste av til idretten, etter at over 150 korps fekk stønad i mai. Tømmervik oppmodar fleire om å søkja. I alt har banken sett av 100 millionar kroner, og 15 millionar går til fleire 200 idrettslag på Vestlandet i denne runden.