Bjørnar Sandnes Lillefosse frå Strandebarm var med på NM i friidrett 27.-29. juni. Biletet er frå helga før, då han varma opp til NM med friidrettsfestival i Strandebarm.

Bronse i NM

Bjørnar Sandnes Lillefosse frå Strandebarm sprang inn til ein bronsemedalje på 10.000 meter i NM i friidrett 27. juni.

Ragnhild Økland Børven
Publisert Sist oppdatert

Klokka 21.35 gjekk startskotet i Sandnes torsdag kveld. Lillefosse, som spring for Gular IL, kom i mål på tida 30.03,72. Fyrsteplassen gjekk til Senay Almesom Fissehatsion. Han fekk tida 29.24,94.

To dagar seinare stod 5.000 meter på timeplanen, men kvemmingen stilte ikkje til start. Beina var rett og slett for tunge etter løpet torsdagen, skriv utøvaren i sosiale medium. Han opplyser at han formmessig ikkje er der han skulle ynskt, mykje på grunn av skade i vår.

– Det er likevel stas å kjempa mot dei beste løparane i landet, skriv Lillefosse, og takka «ein fantastisk heiagjeng» for støtte undervegs.

kvam friidrett sport
Laga med Labrador CMS