For Hanna Børve har sesongen 2021—2022 vore prega av skade, og ho har måtta stå over fleire renn. Laurdag hamna ho blant dei ti beste i noregscupen. Biletet er frå ei treningsøkt på Sjusete i fjor vår.

Børve avslutta med 10.-plass

Skiskyttar Hanna Børve sikra seg ei topp ti-plassering på tampen av sesongen.

Mari Ulvund
Journalist
Publisert Sist oppdatert

Medan seniorane gjekk noregsmeisterskap i Vik i Sogn helga, vart det arrangert avslutning i skiskyttarcupen Lerøy Cup for ungdomar og juniorar på same skistadion.

Hanna Børve, som går for Kvam Langrenn- og Skiskyttarklubb, enda på 10.-plass i fellesstarten laurdag. Med 17 av 20 treff var ho 2.06 minutt bak vinnar Frida Tormodsgard Dokken frå Svene IL og Team Kongsberg.

Samanlagt i cupen hamna kvemmingen til slutt på 27.-plass. I sosiale medium opplyser Børve at sesongen har vore prega av skade og at ho vonar neste sesong vil verta betre.

skiskyting ski kvam langrenn- og skiskyttarklubb sport
Laga med Labrador CMS