Borna gav gass på Åse
Over tjue born trassa gråvêret og deltok på Skisprell i helga.
Publisert
Då Strandebarm Idrettslag skipa til barneskirenn på Åse på Omastrand sundag, stilte 23 born i alderen 2,5–12 år på startstreken. Dei kunne velja om dei ville gå den korte løypa på 600 meter eller den lengre løypa på éin kilometer.
Sjølv om dagen starta noko grått, fekk dei unge skigåarane gjennomført løpet då sola kika fram, opplyser Torunn Lutro, som er leiar i skigruppa. Etter målgang fekk deltakarane medaljar og huer.
Annonse
Om lag femti born og vaksne kunne nytta høvet til å varma seg mat på bålpanna. Dei som ynskte det, kunne hiva seg med på skileik og leik i skogen etter løpet, ifylgje Lutro.
Skisprell er ein rekrutteringsaktivitet som er retta mot born under ti år.
