Fleire lokale skyttarar vann klassen på Olav Medås Minnestemne i Granvin i helga. Jonas Bjørke frå Hardanger skyttarlag vann klasse eldre rekrutt med 350 poeng, og Iselin Bjørke frå Hardanger vann rekruttklassen med 332. I juniorklassen var jondøling Kristine Solheim Wikane best med 347 poeng.
Arne Berge, Hardanger, var best av 42 deltakarar i V73 og vann som ein av 4 med 350 poeng.
Annonse
I klasse 3–5 var Olve Grønås Birkeland frå Haugesund og Sveio best med 347. Best av dei lokale heltane var Liv Sollesnes frå Jondal, som presterte 344 og hamna på 5.-plass. Med same sum kom Dag Skår frå Hardanger 3 plassar bak henne.
