Knut «Knockoff» Øslebye sykla saman med gruppa «Idretten Skaper Sjanser». Han er tidlegare rusmisbrukar. Han synest det er kjekt å sykla med ei gruppe der alle støttar einannan.

Biletserie: Kvemmingar fôra syklistane som trakka seg frå Bergen til Voss

Kvam Langrenn- og Skiskyttarklubb stod som vanleg for serveringa då eit tusental syklistar strøymde gjennom Kvam.

Sigbjørn Linga
Bladstyrar
Journalist
Publisert Sist oppdatert

Matstasjonen ved skulen i Norheimsund formeleg yra av liv på to hjul då HF var innom laurdag føremiddag. Som vanleg kunne deltakarane utan å tapa tid ta ein pause for å fylla på med både mat og drikke.

Det trongst truleg meir for somme enn for andre.

– Eg er ganske død i beina, sa ein av dei som passerte journalisten.

Her strøymer syklistane gjennom rundkøyringa i Norheimsund. I gult ser me tidlegare redaktør i Hordaland og trufast campinggjest i Kvam, Geir Geitle.
Endeleg matpause!
Også ein tandemsykkel dukka opp då HF var på plass.
Hanne Dahl stilte opp som «flaggvakt». Det vart ikkje fyrste gong. – Det er viktig å stilla opp, sa ho ved Esso-stasjonen.
Sølvi Røssum og Stig «Supermann» Nordvik frå Raudekrossen var stasjonerte ved Esso-stasjonen laurdag morgon.
Sigrid Norheim (10) frå Kvam Langrenn- og Skiskyttarklubb passa på at syklistane valde rett veg ved Norheimsund skule.
Sigrid Norheim såg til at ingen bomma på vegvalet.
Frukt, smørbrød og energirik sjokolade stod på menyen.
Brit Voster (t.v.) og Silje Laupsa Mo i Kvam Langrenn- og Skiskyttarklubb delte ut smørbrød og bananar.
Eirin Måkestad (t.h.) og Miriam Sørheim Almeland serverte vatn og sportsdrikk til sveitte gjester.
Debutant Benjamin Ellefsen fekk drikke av Miriam Sørheim Almeland.
Benjamin Ellefsen kvilte på sandkassen fylte på med energi.
Jan Tore Tveit i Kvam Langrenn og Skiskyttarklubb fortel at klubben har hatt ansvaret for pauseområdet i seks–sju år. For tre år sidan vart det flytta frå haldeplassen til skulen, noko som er ein føremon med tanke på trafikkavviklinga.
Oddvar Eikenes (t.v.) har delteke i sju år og kallar seg veteran. Roger Nundal er ikkje like røynd med sine tre år.
Roger Thorvaldsen (t.v.) og Daniel Felgen Karsrud er med i «Idretten Skaper Sjanser», eit aktivitetstilbod for menneske med rusutfordringar.
Anne-Lise Træet deltok for fyrste gong og hadde med seg to hjelparar som skulle «dra» henne til målstreken.
Nokre måtte ha litt teknisk assistanse undervegs.
Alt frå pur unge til godt vaksne er med i Bergen–Voss.
Somme set meir farge på rittet enn andre.
sykling sport norheimsund kvam langrenn- og skiskyttarklubb biletseriar sport
Laga med Labrador CMS