Jarand Selsvik jobba på dugnad og steikte vaflar på kjøkenet. Eiga skyting var ikkje 11-åringen nøgd med.

Best frå start i Jondal

Dag Skår frå Hardanger tok ein knapp innersving på heimefavoritt Liv Sollesnes på 1. mai-stemnet i Jondal.

Sigbjørn Linga
Bladstyrar
Publisert Sist oppdatert

Båe enda på 345 poeng i klasse 3–5, men Skår, som skaut allereie i det aller fyrste laget, var hakket meir presis enn jondølingen og stakk av med sigeren i Gjeskadalen.

Sverre Krutnes nådde ikkje heilt opp i klassen for dei eldste. Men kaffi fekk han i det minste.

Jonas Bjørke, Hardanger, gjorde som i Vangdalsåsen og vann juniorklassen med 349 poeng og ein margin på 3 poeng til nummer 2. Systera hans, Iselin, var best i rekruttklassen med 342 poeng. I tillegg vann Hardanger-skyttar Arne Berge klasse V73 med 350 poeng og 31 innerblinkar. Andreas Kvåle frå Jondal var best i klasse 1.

I skyttarhuset kunne dei som ikkje var i elden, fylgja med på korleis andre gjorde det på standplassen.

199 deltok. Stemnet gjekk frå torsdag til måndag, med stabile, men helst kjølige tilhøve.

Parkeringsvakter måtte til for å halda orden ved skyttarhuset.
jondal skyttarlag sport skyting jondal hardanger skyttarlag
Laga med Labrador CMS