Berre nesten for Selsvik i Steinkjer
Aamund Selsvik frå Jondal vart ikkje meister i klasse eldre rekrutt på Landsskyttarstemnet.
Jondølingen fekk 99 poeng i finalen på banen i Steinkjer onsdag føremiddag, etter at det 3. skotet i finaleserien hamna i niaren.
Det heldt ikkje til siger i den tøffe klassen, og jondølingen fall ned frå topplasseringa før finalen til 19.-plass. Gulla Langedal Sortland frå Førde vann med 350 poeng og 9 innertiarar i finalen.
Før dei avgjerande skota var Selsvik like god som jenta på skive 2, Mathea Lovise Junge Hauger frå Stord, men jondølingen måtte altså leva med presset som fylgjer med det å liggja på skive 1. Også Hauger fekk 99 poeng og fall monaleg på resultatlista.
I alt 282 deltok i klassen.
Fredag skal Selsvik skyta feltfinale i klassen, etter at han presterte 30/20 i den innleiande skytinga.
Klokka 13 skyt Jonas Bjørke frå Hardanger finale i juniorklassen. Med 249 poeng ligg han på 10.-plass før finalen. 4 skyttarar har 250 poeng før dei siste 10 skota.
