Banka trønderar og kan nå A-sluttspelet

Laget slo nemleg trønderane i Astor Fotballklubb 4–1 i den andre kampen i gruppespelet, etter at dei tapa 0–3 for Vardeneset i den fyrste kampen sundag.

Frank Kjøsnes frå Kvam, som er i Oslo som forelder, opplyser at Eirik Rykkje, Sigurd Stevnebø Kaale og Markus Straumstein stod bak måla. Laget har berre 12 spelarar med til Oslo, og dimed berre éin reserve.

– Dei var solide i heile kampen. Marginar som gjekk mot dei i går, gjekk litt deira veg i dag, seier Kjøsnes.

Laget spelar mot Muslim Hands FC onsdag. Motstandaren har opna sterkt med storsigrar mot både Vardeneset og Astor Fotballklubb.

G16-laget Norheimsund/Øystese skapa ei rekkje store målsjansar mot Lesja IL/Dombås/Lesjaskog måndag, fortel Kjøsnes. Etter fyrst å ha kome under og så utlikna, hadde gutane i Kvam fleire store mogelegheiter, utan at det ville seg heilt. I staden fekk motstandaren på snodig vis ballen i mål via stolpen og målvakta.

– Det var ein god kamp med høg temperatur, fortel Kjøsnes, som vonar gutane får ei god oppleving i den siste gruppekampen mot Ål tysdag før B-sluttspelet står for tur.