Frå venstre: Sigrid Norheim, Perle Nygård og Synneva Laupsa Mo synte god form på stafetten fredag. Dei vart berre slegne av eit lag frå Voss.

Avslutta sesongen med stafettsylv

Fleire skiskyttarar frå Kvam runda av sesongen på Ål i helga. Eit jentelag sikra ein pallplass fredag.

Mari Ulvund
Journalist
Publisert Sist oppdatert

Kvam Langrenn- og Skiskyttarklubb hadde fleire løparar på startstreken alle dagar då Bama Liatoppen Skiskytterfestival vart arrangert på Liatoppen Skisenter. På opningsrennet fredag, som var stafett for dei som er 11 år og eldre, enda tre kvammajenter på pallen.

Perle Nygård, Sigrid Norheim og Synneva Laupsa Mo trassa den tjukke skodda og gjorde det godt både i skisporet og på standplassen. Det resulterte i ein 2.-plass for jentelaget i klassen jenter 11–12 år. Kvemmingane var 1.47 bak laget til Voss Skiskytterlag.

Kvam Langrenn- og Skiskyttarlag stilte med løparar i fleire av klassane på Ål i helga. Nokre av dei som gjekk, var Isabella Rose Burgess Opheim (t.v.), Jørgen Måkestad, Asbjørn Norheim, Maylinn Hellene Fonneland og Sigrid Norheim.

I klassen mix 11–12 år gjekk Maylinn Hellene Fonneland, Jørgen Måkestad og Isabella Rose Burgess Opheim kvar sin etappe. Dei hamna på 13.-plass.

5 unge kvemmingar gjekk individuelt renn fredag i nybyrjarklassane for dei som er 10 år eller yngre. Dei var Sunniva Henriksen, Asbjørn Norheim, Marita Tombre Soldal, Kaja Høen Mo og Martin Øystese Mo.

Medan 14 av skiskyttarane frå Kvam stilte til start laurdag, gjekk 9 av dei renn også sundag.

skiskyting kvam langrenn- og skiskyttarklubb sport ski
Laga med Labrador CMS