Frå venstre: Jannik Huttenlocher, Dovydas Drungilas, Aodne Valland og Jeannette Huttenlocher var 4 av 12 som representerte Hardanger Bordtennisklubb på Stord laurdag.

12 hardingar deltok i Stord Cup

Hardanger Bordtennisklubb stilte med 12 deltakarar i Stord Cup laurdag.

Håkon Norheim
Journalist
Publisert Sist oppdatert

Det opplyser klubben på heimesida.

Jan Roger Andersson gjekk heilt til topps i herrar open. Han sikra seg òg 3.-plass i herrar dobbel saman med ein stordabu.

Erik Doval vann i herrar dobbel saman med ein makker frå Stord. Kestutis Barauskas og Håvard Markhus vart nummer 3 i same klasse.

I nybyrjarklassen vart det ein rein Hardanger-finale i B-sluttspelet. Jardar Fykse gjekk til topps etter å ha slått Kristoffer Fonnaland i ein jamn finale.

Kjetil Sætre, tidlegare trenar, spelar og sivilarbeidar i klubben, er tilbake i etter ein del sesongar i andre klubbar. Han slo sin nye klubbkamerat Kestutis Barauskas i herrar open, men gjekk ikkje vidare frå puljespelet.

sport hardanger bordtennisklubb bordtennis stord
Laga med Labrador CMS