Yrkesfag meir populært enn studieførebuande
Yrkesfaglege utdanningsprogram er mest populære blant ungdom som har søkt seg til første trinn på vidaregåande skule.
For skuleåret 2020–2021 er det 37.040 søkjarar til yrkesfag på Vg1, 450 fleire enn til dei studieførebuande programma, viser ei fersk oversikt frå Utdanningsdirektoratet.Samanlikna med i fjor er det 650 fleire søkjarar på yrkesfagleg Vg1 og 250 færre som søkjer studieførebuande. Dermed er det for første gong sidan medium og kommunikasjon vart flytta frå yrkesfag til studieførebuande, eit lite fleirtal søkjarar til yrkesfag.Av yrkesfaga er det helse- og oppvekst som framleis er det mest populære programmet.– Det finst veldig mange spennande vegar i vidaregåande, og eg er spesielt glad for at så mange unge vel yrkesfag. Elevane har lyst til å arbeide i praktiske, kreative yrke der dei får brukt både hovudet og hender, seier kunnskaps- og integreringsminister Guri Melby (V) i ei pressemelding.Til saman har 205.800 ungdommar søkt opptak til vidaregåande utdanning i offentlege skular i år. Det er studiespesialisering som er det utdanningsprogrammet med klart flest søkjarar ved alle trinn, sjølv om talet på søkjarar til studiespesialisering Vg1 har gått noko ned.Oversikta viser at det som før er store forskjellar i søkjemønsteret til gutar og jenter. Det er langt flest gutar blant søkjarane til bygg- og anleggsteknikk, elektrofag, og teknikk og industriell produksjon, sjølv om stadig fleire jenter òg søkjer desse programma.
NPK-NTB
