Vil ha inn Vikøy

Trafikksikring på strekkja mellom kyrkja i Vikøy og avkøyrsla til Framnes er ikkje med i framlegget til trafikksikringsplan, sjølv om området ikkje vart fullført som planlagt i Kvammapakken. Det ynskjer Kvam SV å gjera noko med, skriv gruppeleiar Geir Madsen i ein e-post.Partiet ynskjer dessutan å få med gang- og sykkelveg på fylkesveg strekkja frå avkøyrsla ved gamleskulen til avkøyrsla til Toloheimen i Norheimsund. Strekkja er sterkt trafikkert og er nytta av mange fotgjengarar og skuleborn, men har berre eit smalt fortau. Madsen meiner ein kan sjå på strekkja som ein del av sentrum og leggja til rette for miljøprioritert gjennomkøyring frå rundkøyringa ved Ungdomshallen til avkøyrsla til Hardanger byggsenter. Med smalare køyrebane får ein plass til gang- og sykkelveg, meiner han.Madsen meiner standarden på dei mykje nytta busstoppa på strekkja Rema 1000–Steinsdalsfossen bør oppgraderast. Ikkje minst gjeld det stoppet ved gangbrua på Norheim, som er mykja bruka av skuleelevar.Frode Nygård (Frp) har spurt rådmannen om heradet har sett i gang prosessen med å søkja om stønad frå fleire tilskotsordningar i Vestland fylkeskommune.