Sparebanken Vest stengjer kontora

For å hindra at koronaviruset blir spreidd, stengjer Sparebanken Vest frå og med måndag alle kontora sine.– Vi skal vera like tilgjengeleg for kundane våre som før. men no berre på telefon og e-post, seier kommunikasjonssjef Johannes Dobson.Han oppmodar alle kundane om å ta kontakt om dei treng økonomiske råd på same måten som tidlegare. Banken legg også til rette for den spesielle situasjonen som har oppstått.– Ein del kjenner på uvisse rundt eigen arbeidssituasjon, og nokre har allereie blitt permittert, eller vil bli permittert i tida som kjem. For desse har vi utvida høvet til å få avdragsfridom i inntil tre månader.For verksemder på Vestlandet som opplever store utfordringar, har banken oppretta ein eigen hjelpetelefon for små- og mellomstore føretak.– Dess raskare vi kjem i dialog, dess større er sjansen for at vi kan finna gode løysingar i fellesskap, seier Dobson.

NPK