Miljøorganisasjonar: Hastetiltak for oppdrettsnæringa kan få langvarige følgjer for villaksen

Redusert kontroll av lakselus under koronakrisa kan føre til alvorlege konsekvensar for villaksen, åtvarar miljøorganisasjonar.Ei rekkje miljøorganisasjonar og interesseorganisasjonar har sendt brev til fiskeri- og sjømatminister Odd Emil Ingebrigtsen (H) der dei åtvarar mot å sjå bort frå miljøomsyn når det skal setjast inn tiltak som følgje av koronakrisa.Ingebrigtsen vurderer å lempe på enkelte reglar i fiskerinæringa under koronakrisa, til dømes rapportering av lusetal, har han sagt til NRK.Organisasjonane Norges Jeger- og Fiskerforbund (NJFF), Norske Lakseelver, Naturvernforbundet, Natur og Ungdom, WWF Verdsnaturfondet, Norsk Friluftsliv, Sabima, Greenpeace og Redd villaksen står bak brevet til fiskeriministeren.– Dersom ein no set i verk tiltak som aukar lakseluspresset midt i utvandringstida frå elvane, som er den mest sårbare tida for den ville laksen, så kan det gi langvarige negative konsekvensar for dei allereie sårbare bestandane, åtvarar generalsekretær Eldar Berli i NJFF.

NPK-NTB