Kuttar i bussrutene

Skyss reduserer kollektivtilbodet som følge av sterk nedgang i passasjerar. I Hardanger og Voss vert rutetilbodet som ved skulefrie kvardagar frå og med måndag.Den nettbaserte reiseplanleggaren til Skyss vil vera oppdatert. Endringane gjeld inntil vidare.Etter at skular, barnehagar og mange verksemder har vorte stengde, i tillegg til at folk vert oppmoda om å unngå å reisa kollektivt og unngå fritidsreiser, er det no 70 prosent ferre reisande enn vanleg, skriv Skyss i ei pressemelding. Skyss tek òg høgde for høgare fråvær blant personellet som følge av sjukdom og tiltak for å hindra smitte. Samstundes vil Skyss halda på tilbodet for dei som er avhengige av å nytta buss og bane. – Me minner elles om generelle reiseråd: Ta omsyn til medreisande, hald avstand til andre reisande, og pass på god hand- og hostehygiene. Personar som er i karantene eller har symptom på luftvegsinfeksjon, skal ikkje reisa kollektivt, heiter det i meldinga.