Fryktar katastrofale ringverknader

Koronakrisa vil ramma skianlegga hardt, ifølge Camilla Sylling Clausen, generalsekretær i Alpinanleggenes landsforening og styreleiar i Norske fjell SA.I eit brev til regjeringa skriv ho at koronaviruset vil medføra bortfall av inntekter i denne, og truleg i neste sesong. Det vert selt heiskort i Noreg for kring 1,3 milliardar kroner. I tilleg kjem sal av mat, overnastting, skiskular, skiutleige.Ei førebels utrekning syner at om lag 33 prosent av heiskortomsetnaden er tapt i år.

– Katastrofale ringverknader

Clausen viser til tydinga alpinanlegga har for reiselivet i Noreg. Anlegga sørger for at alpinbasert reiseliv og relaterte aktivitetar eksisterer og vert forsterka i fjelldestinasjonane. Ho meiner ein krisepakke til næringa vil vera lønsamt, alt i alt.– Ringverknadane i dei ulike lokalsamfunna av stengde og konkursramma anlegg vert katastrofale, der skadeverknadene i form av arbeidsløyse og svikt i omsetnad i næringa, langt vil overstiga 400 millionar kroner, skriv ho.Det finst 357 skianlegg i Noreg. Dersom eit fleirtal av desse vert ramma av konkurs, vil det verta svært vanskeleg for destinasjonar og kommunar å reetablera reiseliv og tilknytt næringsliv, skriv Clausen.

– Livsviktig

Dei generelle krisepakkane frå regjeringa vil til ein viss grad bidra alpinnæringa, men dei har ein avgrensa effekt for dei akutte problema i bransjen, skriv Clausen. Ho meiner ein eigen krisepakke på 400 millionar kroner vil vera avgjerande for å sikra vidare drift for mange anlegg. – Det vil gi alpinanlegga ei livsviktig støtte i ei krevjande tid, Dette vil vera viktig for å kunna halda på tilsette, slik at vedlikehald, planlegging og oppstart av neste sesong kan gjennomførast, skriv ho. Clausen viser til at alpinanlegga er viktige for idrett og lokal folkehelse. Mindre anlegg fungerer som aktivitetsarena for born og unge med familiar. Annan idrett har allereie fått 900 millionar kroner frå regjeringa.– Vår aktivitet fell mellom to stolar, fordi ein nyttar kommersielle anlegg, skriv ho.