44 helsetilsette i karantene i Ullensvang
84 personar med helsebakgrunn har meldt seg til teneste.
Det opplyser ordførar Roald Aga Haug (Ap) i ei pressemelding.Med 44 tilsette i helse- og omsorgstenesta – av desse er 11 legar – i karantene, vert det stort press på resten. Mange gjer ein stor innsats for å halda tenestene på eit godt nivå. Legar har heimekontor og kan følga opp pasientar over video.84 personar med relevant bakgrunn har meld seg til vikarteneste. Kommunen vil dei kommande dagane vurdera kva ein har brukfor, og planlegga opplæring. Mannskapsmessig er det mest kritisk med helsepersonell, skriv Haug.45 personar i Ullensvang har vorte testa for korona. Det er enno ikkje påvist smitte i kommunen, men ein ventar framleis på nokre prøvesvar. Kommunen har 40 ordinære testar igjen, og det er tinga nye. Måndag kjem 200 hurtigtestar.– Me er svært nøgde med at innbyggarane legg stor innsats i å følga tilrådingane vi kjem med kring smittevern, avgrensa kontakt med andre og avgrensa reise til det som er strengt naudsynt. Innbyggarar og arbeidstakarar skal ha stor honnør for innsatsen i vanskelege tider, skriv Haug.
