Ynskte gangfelt på Kvamskogen
Kvamskogen Vel har fått negativ tilbakemelding frå Vestland fylkeskommune på eit spørsmål om gangfelt ved Kvinnhovden.
Publisert
Sist oppdatert
Foreininga er i ferd med å opparbeida ein sti eller ei låglandsløype frå Tokagjelet i aust til Teigaberg i vest på Kvamskogen. Strekkja på om lag ni kilometer går dels på etablerte private vegar og dels på nye stiar. Målet er å unngå hovudvegen, fylkesveg 49. Men på eitt punkt, Kvinnhovden, lyt brukarane kryssa hovudvegen. Her er det 60-grense.
Fylkeskommunen viser i svaret til at Statens vegvesen sine handbøker tilseier at nye gangfelt ikkje skal etablerast på vegar med minst 60 kilometer i timen som fartsgrense. Fylkeskommunen vil heller ikkje tilrå signalregulert gangfelt.
