Ynskjer tilgang på rampe for helikopter

Som HF skreiv nyleg, har Noregs vassdragsdirektorat gjeve utbyggjaren tips om kva opprydding som må gjerast etter bygginga. Eit av dei var å fjerna rampen ovanfor inntaket.

I eit brev til direktoratet varslar Småkraft at selskapet ynskjer å kunna nytta rampen også i driftsfasen. Det vil forenkla tilkoma til inntaket, og det finst ikkje gode alternative landingsplassar i området. Særleg om vinteren, då sikta er dårleg og snøen dekkjer terrenget, vil rampen vera nyttig i samband med vedlikehald, meiner Småkraft.

Selskapet skal vera samd med grunneigaren om erstatning for plasseringa av rampen.