Ynskjer seg fortau
Mjuke trafikantar på den kommunale vegen Steine i Steinsdalen bør skiljast frå køyretøya med eit fortau.
Publisert
Sist oppdatert
Det ber fleire foreldre ved Norheimsund skule om i eit innspel til trafikksikringsplanen for Kvam via foreldrearbeidsutvalet (FAU). Dei meiner fortauet burde gå frå krysset ved fylkesveg 49 til krysset sørvest for Lid Jarnindustri.
FAU ved Norheimsund Skule skriv at ein bør utbetra ein av tre møteplassar på strekkja med betre siktsoner og areal.
Annonse
Ifylgje utvalet er Steine sterkt trafikkert med vogntog, lastebilar, landbruksmaskiner og personbilar. Årsdøgntrafikken er truleg mykje høgare enn det vegdatabasen har registrert, då det er nesten 70 tilsette ved Lid Jarnindustri, påpeikar FAU. I tillegg er det fotgjengarar, syklistar, skuleelevar, ryttarar og turgåarar på strekkja.
