Ynskjer ikkje oppdrett som nabo
— Stryk akvakultursona i Mælen frå arealdelen til kommuneplanen.
Det ber Siri Hellesøy og Øystein Søbstad på Samlaneset om i eit innspel til Ullensvang kommune.
Grunnen er at området er svært kontroversielt som industriområde og på mange måtar ikkje lenger eigna til fiskeoppdrett, meiner dei to. Området byr på turar, fiske og friluftsliv for mange i kommunen.
Området har svært høg naturverdi med mange raudlisteartar, påpeikar Hellesøy og Søbstad.
Eigarane av Samlaneset ynskjer at skogen ved Samlen og områda rundt skal vernast, og har starta arbeidet. I område med raudlisteartar får ein ikkje gjera inngrep. Det vil seia at Samlen og området rundt ikkje kan vera noko anna enn landbruks-, natur- og fritidsområde, meiner brevskrivarane.
— Eit oppdrettsanlegg her vil vera ein miljøkatastrofe. Det må leggjast til ein annan stad, dersom det skal realiserast, skriv dei to.
