Ynskjer å setja opp sag i Jondal

Det går fram av ein søknad om byggjeløyve send til Ullensvang kommune.

Anlegget skal liggja ved Holmane, halvannan kilometer frå Jondal sentrum i retning mot Krossdalen. Det skal ha eit bygg for sjølve sagbruket, eit tørkebygg og ein lagerhall.

Tomta er rydda, masseutskifta og klar til bygging, opplyser Guntveit.

Vestland fylkeskommune har gjeve dispensasjon frå byggjegrensa langs fylkesvegen og løyve til utvida bruk av ei avkøyrsle. Det er to avkøyrsler på staden. Ho mot aust skal stengjast, og grunneigaren har sjølv ansvar for at krava til utforming av avkøyrsla er stetta, opplyser fylket.