Ynskjer å fylla opp utleigebygg
Bustadblokka Kyrkjebø i Øystese har framleis tre ledige næringslokale på bakkeplan. Det opplyser eigar Bjørn Christian Standal Laupsa til HF. I andre og tredje etasje er seks husvære langtidsutleigde.
Desse etasjane har også fire mindre leilegheiter som vert leigde ut gjennom Airbnb til gjester og turistar i bygda. Både andre og tredje etasje i komplekset er såleis i bruk. Husværa vart ferdigstilte til sommaren i fjor, fortel Laupsa.
No konsentrerer han seg om å få leigetakarar i dei ledige lokala i fyrste etasje, som er regulerte til næringsverksemd. Finesse Frisør AS leiger allereie lokale på bakkeplan. Det same gjer Ernst Rykkje, som nyttar lokala til ei grammofonutstilling. Det opplyser dagleg leiar i Kyrkjebø AS, Anne Grethe Hjartåker Aarekol.
