Ynskjer å flagga sjølv

Rådmann Anita Hesthamar bad i same slengen om orsaking for at det tok så lang tid å svara på førespurnaden.

Den kommunale arbeidsgjevaren har diskutert tilbodet med dei tilsette i forvalting, drift og vedlikehald. Dei ynskjer å halda fram med oppgåva, og Lions fekk difor avslag.

Heradet flaggar på offisielle flaggdagar ved rådhuset og på Straumhaugen i Norheimsund, og i parken i Øystese. Unntaket er Straumhaugen når det ikkje er brøyta tilkomst, og ved juletider, når grendelaget og kjøpmannslaget nyttar flaggstonga til lysrekkjer.

Rådmannen skriv at det er positivt at Lions tilbyr tenester for å tena pengar til tiltaka sine, og tek gjerne imot andre framlegg.