– Vurderer å flytta parkering

Uteområdet vart vedteke for lenge sidan, men det har førebels ikkje skjedd noko, skreiv Jostein Moldsvor (KrF) til rådmannen i midten av mai. Kva skjer? undra han.

I heradsstyremøtet 23. mai svara rådmann Anita Hesthamar at ei arbeidsgruppe på Toloheimen er i gang med å sjå på løysingar for eit skjerma uteområde. For tida ser gruppa på ei løysing der ein del av parkeringsområdet vert gjord om til hage, og parkeringsplassar vert flytta til ein annan stad i nærleiken, skriv rådmannen.

Om ikkje dette kan løysast innanfor fullmaktene til rådmannen sine, vil ho fremja ei politisk sak.