Visjonsforslaga er klare
Går «Jævla bra kommune» heilt til topps?
7. februar skal fellesnemnda for nye Ullensvang velja ein visjon for den nye kommunen. Etter ni visjonsverkstader er 16 slagord valde og lagde ut på nettsida til kommunen for røysting. Røystinga stenger på kvelden vesle julaftan.
Dei tre til fem som får flest røyster, skal leggast fram for fellesnemnda, som tek ei endeleg avgjerd.
Her er dei aktuelle:
Ullensvang kommune ...
– Dyrkar samhald frå fjord til fjell
– Rått og flott
– Kraftfulle og fruktbare Hardanger, så klart!
– Den sprudlande kommunen
– By og bygd – Naturleg nært
– Jævla bra kommune
– Eit løypenett for livet
– Fjord, fjell, industri og turisme, vi har alt! Sikker framtid i Hardanger
– Kraftfull og raus
– Eit steg framom
– Samhald og tradisjon inn i ei berekraftig framtid
– Kultur for å lukkast
– Med hjarta på rette staden
– Frukt, kultur og industri – grøn harmoni i Hardanger
– Sprudlande grøn framtid
og
Musserande Ullensvang – Kraft i alle sansar
