– Ville ikkje flytta klubben
E-posten som vart send frå styret i Hardanger Brygge 2 til Kvam herad, var ikkje ein klage, men eit ynske om ei oppklaring kring lovverket.
Det skriv styreleiar Ivar Kolltveit i ein e-post til Kvam herad. E-posten vart send allereie tysdag kveld. Tysdag hadde nemleg styret møte med Bygdalarm om «klubben» på Meieritomta, og ynskte – med nokre få justeringar – å gje festivalen løyve til å gjennomføra planen, opplyser styreleiaren.
– Bygdalarm gjorde oss då merksame på at e-posten som vart send frå oss til kommunen, vart tolka som ein klage. Dette var ikkje tilfellet, skriv Kolltveit i e-posten.
Styret ynskte berre å vita meir om kva styret skulle halda seg til om fleire bebuarar var imot gjennomføringa.
– Styret i Sameiget Hardanger Brygge 2 ynskjer ikkje at «klubben» skal fjernast, slik som det vert sagt frå heradet. Dette var ikkje vår intensjon, skriv Kolltveit.
I same venda takkar han for at heradet tok saka på alvor, og nemner at styret håpar det er råd å reversera flyttinga. Det var det ikkje. Kommuneoverlegen si vurdering av at grenseverdiane for lyd i det aktuelle tidsrommet ville vera for høge, galdt framleis. Ikkje berre for dei næraste naboane, men også for ein større krins av bustader i Norheimsund.
Les også:
