Vil verna jord på Omastrand

Det skriv Strandebarm–Tørvikbygd Bondelag til plankonsulent Archihus AS i eit innspel til oppstarten av planarbeidet. Bondelaget hevdar at det er 9 dekar fulldyrka matjord og 17 dekar innmarksbeite på dei aktuelle tomtene. Grunneigar er Ole Harald Tufta.

Føremålet med reguleringsplanen er å leggja til rette for inntil femti hus og hytter med tilhøyrande anlegg, ein marina, eit leikeområde og eit felles uteareal. Reguleringa er i strid med kommuneplanen.

Bondelaget meiner at dersom arealbruken skal vika frå kommuneplanen, bør eit område gjerast om frå busetnad til landbruks-, natur- og friluftsområde. I tillegg bør areal som mellombels har vore nytta til brakkerigg, førast tilbake til fulldyrka jord. Tilgangen på dyrkbar jord er knapp, meiner laget.

Laget meiner me ikkje har noko matjord å mista, og at all matjord som vert teken ut av drift, skal erstattast.