Vil trekkja britar til Hardanger

Hardangerfjord Adventure AS har søkt Kvam herad om 19.000 kroner frå kraftfondet til deltaking i Hardanger Luncheon i London 4. desember. Verksemda legg sjølv ned 17.000 kroner i form av arbeidstimar, ifylgje søknaden.

Hardanger Luncheon er eit årleg arrangement som Visit Hardangerfjord AS skipar til. Samlinga er retta mot britiske turoperatørar. Frå reiselivet i Hardanger deltek føretak som overnattingsverksemder, restaurantar, aktivitetsselskap og transportselskap.

Hardangerfjord Adventure har som prosjektmål å sikra fleire samarbeidsavtalar med større britiske turoperatørar. Dei kan gje fleire betalingsvillige britiske turistar til Kvam og Hardanger i åra som kjem, ifylgje søknaden.